Naya.mongolia Эрүүл мэндийн зөвлөх

  Батганы сорвийг мэргэжлийн арьсны эмчилгээгээр бүрэн арилгах боломжтой. Хавар, намрын улиралд өдөр шөнийн температурын зөрүү ихсэх үед батга сэдрэх нь элбэг байдаг. Энэ үед гарсан батгыг зөв арчлахгүй бол батганы сорви, улайлт, толбо үлдэх магадлал өндөр байдаг. Иймээс батгыг зөвхөн дарах бус, сорви үүсэхээс урьдчилан сэргийлж, эрт үеэс нь зөв эмчлэх нь маш чухал юм. Ялангуяа батганы сорви нүүрэн дээр ил харагддаг тул олон хүний өөртөө итгэх итгэлд нөлөөлж, сэтгэлзүйн дарамт болдог. Эмэгтэйчүүдийн хувьд арьсны өөрчлөлтөнд илүү мэдрэмтгий байдаг учраас батганы сорвины талаар илүү их санаа зовдог. Батганы сорвийг хэрхэн эмчилдэг вэ? Батганы сорвийг олон төрлийн аргаар эмчлэх боломжтой. Эмийн эмчилгээ Лазер эмчилгээ Пилинг Арьсны нөхөн төлжүүлэх эмчилгээ Эдгээрээс батганы сорвины ирмэгийг тэгшилж, арьсны гадаргууг жигд болгоход лазер эмчилгээ өндөр үр дүнтэй байдаг. Гэхдээ лазерын төрөл маш олон тул өөрийн арьсны байдал, сорвины хэлбэрт тохирсон эмчилгээг сонгох нь хамгийн чухал. Т...